‘జన నాయగన్’ లీక్‌పై విజయ్ దేవరకొండ ఆగ్రహం; పైరసీ బాధితుడిగా తన అనుభవాల వెల్లడి.

సినిమా లీక్ వల్ల కలిగే బాధ వర్ణనాతీతమని, తన కెరీర్ ఆరంభంలో తాను కూడా ఇటువంటి చేదు అనుభవాన్ని ఎదుర్కొన్నానని విజయ్ దేవరకొండ ఆవేదన వ్యక్తం చేశారు. వేలాది మంది కష్టంతో కూడిన సినిమా ప్రపంచాన్ని ఇలా దెబ్బతీయడం దారుణమని ఆయన పేర్కొన్నారు. ‘జన నాయగన్’ చిత్ర బృందానికి మద్దతు తెలుపుతూ, ఈ లీక్ వెనుక ఉన్న వ్యక్తులను కఠినంగా శిక్షించాలని ఆయన డిమాండ్ చేశారు. ఇటువంటి చర్యలు వ్యవస్థాగత వైఫల్యాన్ని సూచిస్తాయని, పైరసీని అరికట్టడానికి తక్షణ పరిష్కారం కనుగొనాలని విజయ్ దేవరకొండ తన పోస్ట్‌లో రాసుకొచ్చారు.