గుడిలోకి వచ్చేసింది 'రోబో' గజరాజు! కేరళ ఆలయంలో యాంత్రిక ఏనుగు సందడి..

కేరళలోని త్రిసూర్ శ్రీభద్రకాళీ విష్ణుమాయా ఆలయానికి పెటా ఇండియా మరియు అనితా డోంగ్రే ఫౌండేషన్ సంయుక్తంగా ఒక రోబోటిక్ ఏనుగును బహుమతిగా ఇచ్చాయి. 'పున్నక్కపరంబిల్ మహాదేవన్' అని పేరు పెట్టిన ఈ యాంత్రిక ఏనుగును విషు పండుగ సందర్భంగా ఆవిష్కరించారు. ఆలయ ఉత్సవాల్లో జంతు హింసను నివారించి, వేడుకలను సురక్షితంగా నిర్వహించడమే ఈ ప్రయత్నం వెనుక ఉన్న ప్రధాన ఉద్దేశం. కేరళ వ్యాప్తంగా పెటా అందజేసిన రోబోటిక్ ఏనుగులలో ఇది 14వది కావడం గమనార్హం.