కేదార్‌నాథ్ ఆలయంలో మొబైల్ ఫోన్లపై నిషేధం: కొత్త నిబంధనలు జారీ.

కేదార్‌నాథ్ ఆలయం బుధవారం తెరుచుకోనుంది. ఈ సందర్భంగా ఆలయ కమిటీ కీలక నిర్ణయం తీసుకుంది. భక్తుల రద్దీని, ఆలయ పవిత్రతను దృష్టిలో ఉంచుకుని దేవాలయ ప్రాంగణంలోకి మొబైల్ ఫోన్లపై నిషేధం విధించింది. ఆలయం లోపల ఫొటోలు, వీడియోలు తీయడం పూర్తిగా నిషిద్ధం. నిబంధనలు అతిక్రమిస్తే కఠిన చర్యలు తప్పవని కమిటీ సభ్యుడు వినీత్ పోస్తి హెచ్చరించారు. భక్తుల సౌకర్యం కోసం బయట లాకర్ల సదుపాయం కల్పించారు. అందరూ ఈ పవిత్ర నిబంధనలను పాటించి, ఆలయ సంప్రదాయాలను గౌరవించాలని ఆలయ అధికారులు భక్తులకు విజ్ఞప్తి చేశారు.