ఉప్పల్ వేదికగా సీఎస్కే-ఎస్‌ఆర్‌హెచ్‌ మ్యాచ్; స్టేడియం వద్ద భారీ బందోబస్తు.

ఉప్పల్ వేదికగా నేడు రాత్రి 7:30 గంటలకు చెన్నై సూపర్ కింగ్స్, సన్‌రైజర్స్ హైదరాబాద్ జట్లు తలపడనున్నాయి. వరుస విజయాలతో జోరుమీదున్న ఈ రెండు జట్లు, ఈ మ్యాచ్‌లో గెలుపు కోసం గట్టిగా పోటీ పడేందుకు సిద్ధమయ్యాయి. మ్యాచ్ నేపథ్యంలో స్టేడియం వద్ద 2 వేల మంది పోలీసులతో భారీ బందోబస్తు ఏర్పాటు చేశారు. ఎలక్ట్రానిక్ వస్తువులు, బాటిళ్లకు అనుమతి లేదు. టికెట్లు ఉన్నవారు మాత్రమే రావాలని, స్టేడియం చుట్టూ ట్రాఫిక్ ఆంక్షలు విధిస్తున్నట్లు అధికారులు స్పష్టం చేశారు.