ఆర్టీసీ డ్రైవర్ శంకర్ గౌడ్ మృతి: ఇది ప్రభుత్వ హత్యేనన్న బండి సంజయ్.

నర్సంపేట ఆర్టీసీ డ్రైవర్ శంకర్ గౌడ్ ఆత్మహత్య ప్రభుత్వ హత్యేనని కేంద్ర మంత్రి బండి సంజయ్ ఆరోపించారు. ప్రభుత్వం కమిటీలతో కాలయాపన చేస్తూ కార్మికులను మభ్యపెడుతోందని విమర్శించారు. వెంటనే సమ్మె డిమాండ్లను పరిష్కరించి, బాధ్యులపై చర్యలు తీసుకోవాలని ఆయన డిమాండ్ చేశారు. కార్మికుల న్యాయమైన పోరాటానికి బీజేపీ పూర్తి మద్దతు ఉంటుందని సంజయ్ స్పష్టం చేశారు. కార్మికులు ఆత్మహత్యల వంటి తీవ్ర నిర్ణయాలు తీసుకోవద్దని, ప్రాణాల మీదకు తెచ్చుకుని కుటుంబాలను రోడ్డున పడేయవద్దని ఆయన ఆవేదనతో విజ్ఞప్తి చేశారు.