అమెరికా హెచ్చరికలపై భారత్‌లో ఇరాన్ రాయబారి స్పందన; హర్మూజ్ జలసంధి రక్షణకు సిద్ధమని ప్రకటన.

భారత్‌లో ఇరాన్ రాయబారి మహమ్మద్ ఫత్‌హలీ మాట్లాడుతూ, తమ డిమాండ్లను అంగీకరిస్తేనే అమెరికాతో తిరిగి చర్చలు జరుపుతామని స్పష్టం చేశారు. హర్మూజ్ జలసంధి తమ ప్రాదేశిక జలాల్లోనే ఉందని, దాని రక్షణకు తమకున్న పూర్తి హక్కులను వినియోగించుకుంటామని ఆయన హెచ్చరించారు. శాంతి చర్చలకు తాము కట్టుబడి ఉన్నప్పటికీ, సైనిక చర్యలకు కూడా వెనకాడబోమని ఆయన పేర్కొన్నారు. అమెరికా-ఇజ్రాయెల్ దాడుల వల్ల జరిగిన ప్రాణ, ఆస్తి నష్టాలకు పరిహారం చెల్లించాలనే కీలక డిమాండ్లతో పాటు ఆంక్షల తొలగింపు తమ ప్రధాన లక్ష్యమని రాయబారి వెల్లడించారు.