అమెరికా-ఇరాన్ చర్చల్లో కొత్త ట్విస్ట్: ప్రత్యక్ష భేటీకి ఇరాన్ నో!

పశ్చిమాసియా ఉద్రిక్తతల నేపథ్యంలో అమెరికా-ఇరాన్ మధ్య పాకిస్థాన్ వేదికగా చర్చలు ప్రారంభమయ్యాయి. అయితే, ఈసారి ఇరుదేశాల ప్రతినిధులు నేరుగా మాట్లాడబోవని ఇరాన్ స్పష్టం చేసింది. తమ ప్రతిపాదనలను పాకిస్థాన్ అధికారుల ద్వారానే అమెరికాకు చేరవేస్తామని టెహ్రాన్ తేల్చి చెప్పింది. దీంతో ఈ చర్చలు పరోక్షంగానే కొనసాగనున్నాయి. అమెరికా కోరుతున్న కఠిన డిమాండ్లపై ఇరాన్ ఎలా స్పందిస్తుందనేది ప్రస్తుతం ప్రపంచవ్యాప్తంగా ఆసక్తిగా మారింది. ట్రంప్ బృందం ఆశలు పెట్టుకున్న ఈ సంప్రదింపుల్లో ఎటువంటి పురోగతి వస్తుందో వేచి చూడాలి.