అమెరికా ఆంక్షలపై ఇరాన్ ఆగ్రహం; పర్షియన్ గల్ఫ్ రేవులను దిగ్బంధిస్తామని ఐఆర్‌జీసీ హెచ్చరిక.

అమెరికా హెచ్చరికలకు ప్రతిచర్యగా హర్మూజ్ జలసంధిని దిగ్బంధిస్తామని ఇరాన్ ఐఆర్‌జీసీ (IRGC) తీవ్రంగా హెచ్చరించింది. అంతర్జాతీయ జలాల్లో ఆంక్షలు విధించడం 'సముద్రపు దొంగతనం' వంటిదేనని, తమ భద్రతకు ముప్పు కలిగితే పర్షియన్ గల్ఫ్ ప్రాంతంలోని ఏ ఓడరేవు సురక్షితంగా ఉండదని స్పష్టం చేసింది. శత్రు దేశాల నౌకలను జలసంధి గుండా అనుమతించబోమని, కేవలం తమ అనుమతి ఉన్న నౌకలనే ప్రవేశింపజేస్తామని ఇరాన్ వెల్లడించింది. "భద్రత ఉంటే అందరికీ ఉండాలి.. లేకపోతే ఎవరికీ ఉండకూడదు" అనే నినాదంతో గల్ఫ్ ప్రాంతంలో ఉద్రిక్తతలను మరింత పెంచింది.