సొంత షేర్ల ట్రేడింగ్‌కు ఎక్స్ఛేంజీలకు అనుమతి లేదు

స్టాక్‌ ఎక్స్ఛేంజీలు తమ సొంత షేర్లను ట్రేడింగ్‌ ప్లాట్‌ఫామ్‌లపై లావాదేవీ చేసుకునేందుకు అనుమతించే ప్రతిపాదన ఏదీ లేదని సెబీ ఛైర్మన్‌ తుహిన్‌ కాంత పాండే స్పష్టం చేశారు. అధ్యయన కమిటీ ఏర్పాటుపై వచ్చిన వార్తలను ఆయన ఖండించారు. కార్పొరేట్‌ బాండ్‌ సూచీ, బాండ్‌ డెరివేటివ్స్‌ నిబంధనలపై ఆర్‌బీఐతో కలిసి సెబీ ముందుకెళ్తోందన్నారు. ఎఫ్‌పీఐల రిజిస్ట్రేషన్‌, ఆన్‌బోర్డింగ్‌ను డిజిటలీకరించినట్లు తెలిపారు.