రైల్వే సంస్కరణలతో సిమెంట్ రవాణాకు భారీ బూస్ట్

రైల్వేలు తెచ్చిన సరికొత్త సంస్కరణలతో గత నాలుగు నెలల్లో సిమెంట్ రవాణా ఏకంగా 170 శాతం పెరిగింది. ప్రత్యేక బల్క్ ట్యాంక్ కంటైనర్ల ద్వారా రోడ్డు రవాణా భారాన్ని తగ్గించి, పర్యావరణ అనుకూల విధానంలో నేరుగా మార్కెట్లకు సిమెంట్‌ను చేరవేస్తున్నారు. కేంద్ర మంత్రి అశ్విని వైష్ణవ్ ఈ పురోగతిని సమీక్షించారు. థర్మల్ ప్లాంట్ల నుండి వెలువడే ఫ్లై యాష్‌ను సిమెంట్, ఇటుక పరిశ్రమలకు తరలించి 'వ్యర్థాల నుండి సంపద' సృష్టించాలని అధికారులకు సూచించారు.