భారత్‌లో పేపాల్‌ ఉద్యోగాల కోత

ఖర్చులు తగ్గించి కార్యకలాపాలను సరళీకరించే ప్రణాళికలో భాగంగా పేపాల్‌ భారత్‌లో సుమారు 220 ఉద్యోగాలను తొలగించింది. ఈ మార్పులు గతంలో ప్రకటించిన వ్యాపార పునర్వ్యవస్థీకరణలో భాగమేనని పేపాల్‌ కంపెనీ తెలిపింది. ఏఐ, ఆటోమేషన్‌ వినియోగాన్ని పెంచడంతో పాటు ఈ ఏడాది 400 మిలియన్‌ డాలర్లు, వచ్చే 2-3 ఏళ్లలో కనీసం 1.5 బిలియన్‌ డాలర్ల పొదుపు లక్ష్యంగా పేపాల్‌ పనిచేస్తోంది.