కియా కార్ల ధరల పెంపు: జులై 1 నుంచి అమలు

ముడి సరుకుల ధరలు, నిర్వహణ వ్యయం పెరగడంతో కియా ఇండియా తన కార్ల ధరలను పెంచుతున్నట్లు ప్రకటించింది. జులై 1, 2026 నుంచి అన్ని మోడళ్లపై 2 శాతం వరకు ధరలు పెరగనున్నాయని కంపెనీ వెల్లడించింది. తయారీ భారాన్ని కొంతవరకు కంపెనీ భరిస్తూ, వినియోగదారులపై ప్రభావం తక్కువగా ఉండేలా ఈ నిర్ణయం తీసుకున్నట్లు తెలిపింది. మారుతీ, టాటా బాటలోనే కియా కూడా ఈ ధరల పెంపును అనివార్యంగా అమలు చేస్తోంది.