భారత స్టాక్ మార్కెట్ల లాభాల బాట

అమెరికాలో ద్రవ్యోల్బణం అంచనాల కంటే తక్కువగా 3.5 శాతానికి తగ్గడంతో ఫెడరల్ రిజర్వ్ వడ్డీ రేట్ల పెంపుపై దూకుడు తగ్గించవచ్చనే అంచనాలు పెరిగాయి. దీనికి తోడు అంతర్జాతీయంగా ముడిచమురు ధరలు తగ్గడం ప్రపంచ మార్కెట్లకు సానుకూలంగా మారింది. ఈ పరిణామాలతో దేశీయ స్టాక్ మార్కెట్లు బుధవారం ఉదయం లాభాలతో కోలుకున్నాయి. ప్రారంభ ట్రేడింగ్‌లో సెన్సెక్స్ 553 పాయింట్లు పెరిగి 77,603 వద్ద, నిఫ్టీ 148 పాయింట్లు పెరిగి 24,198 వద్ద ట్రేడయ్యాయి.