మహబూబ్‌నగర్‌లో ఘోర రోడ్డు ప్రమాదం: ఐదుగురు మృతి!

మహబూబ్‌నగర్ బైపాస్ రోడ్డులోని పాలకొండ సమీపంలో జరిగిన ఘోర ప్రమాదంలో ఐదుగురు ప్రాణాలు కోల్పోయారు. అతివేగంతో వచ్చిన స్పోర్ట్స్ బైక్, కారు ఒకదానికొకటి బలంగా ఢీకొనడంతో ఈ విషాదం చోటుచేసుకుంది. మృతుల్లో బైక్‌పై ఉన్న ఇద్దరితో పాటు కారులోని గౌసియా (30), ఆమిర్‌ (18 నెలలు), ఉజేఫా (8) ఉన్నారు. మరో మహిళ పరిస్థితి విషమంగా ఉండటంతో ఆస్పత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.