గిగ్ కార్మికుల చట్టంపై స్టేకు హైకోర్టు నిరాకరణ

కర్ణాటక గిగ్ కార్మికుల సంక్షేమ చట్టం అమలుపై స్టే ఇచ్చేందుకు కర్ణాటక హైకోర్టు నిరాకరించింది. అయితే, జోమాటో, స్విగ్గీ, బ్లింకిట్ వంటి సంస్థలు తమ రెండో త్రైమాసిక సంక్షేమ రుసుమును మూడు వారాల్లోగా కోర్టు రిజిస్ట్రీలో డిపాజిట్ చేయాలని ఆదేశించింది. కేంద్ర చట్టంతో ఈ రాష్ట్ర చట్టం విభేదిస్తోందని ఇంటర్నెట్ అండ్ మొబైల్ అసోసియేషన్ ఆఫ్ ఇండియా (IAMAI) దాఖలు చేసిన పిటిషన్‌పై విచారణ సందర్భంగా కోర్టు ఈ నిర్ణయం తీసుకుంది.