ఘనంగా గాంధీ జయంతి

ప్యాపిలి పట్టణంలో గాంధీ జయంతి వేడుకలు ఘనంగా నిర్వహించారు. వయో వృద్ధుల సంక్షేమ సంఘం ఆధ్వర్యంలో స్థానిక గాంధీ చౌక్ వద్ద గాంధీజీ విగ్రహానికి పూలమాలలు వేసి నివాళులర్పించారు. సత్యం, అహింస, శాంతి అనే ఆయుధాలతోనే బాపూజీ స్వాతంత్ర్యాన్ని సాధించారని నాయకులు శ్యామ్సన్, పార్థసారథి కొనియాడారు. గాంధీజీ ఆశయ సాధనకు అందరం కృషి చేద్దామన్నారు. సంఘం అభివృద్ధి కి కృషి చేసిన పార్థసారథిని ఘనంగా సన్మానించారు.