గ్యాస్ సబ్సిడీ కస్టమర్లకు అలర్ట్: ఆదాయ పరిమితిపై కొత్త రూల్స్

వార్షిక ఆదాయం రూ. 10 లక్షలు దాటిన వారికి గ్యాస్ సబ్సిడీని నిలిపివేయాలని కేంద్రం నిర్ణయించింది. అనర్హులను గుర్తించేందుకు ఐటీ శాఖ డేటాను వాడుతూ, ఇప్పటికే వినియోగదారులకు హెచ్చరిక సందేశాలు పంపడం ప్రారంభించింది. సంపన్నుల రాయితీని తగ్గించి, ఆ నిధులను పేదల సంక్షేమం కోసం వినియోగించాలని ప్రభుత్వం భావిస్తోంది. నిబంధనల ప్రకారం అర్హత లేని వారు వెంటనే స్పందించాలని, లేనిపక్షంలో సబ్సిడీ రద్దవుతుందని అధికారులు స్పష్టం చేశారు.