ఎండు మేతతో పాలలో వెన్న శాతం పెరుగుదల

పశువులకు తగినంత ఎండు మేత అందిస్తే పాలలో వెన్న శాతం పెరగడానికి సహాయపడుతుందని రొంపిచర్ల పశువైద్య అధికారి డాక్టర్ సాయి మహేష్ రెడ్డి తెలిపారు. ఎండు మేతలోని పీచు పదార్థం పాలలో కొవ్వు తయారీకి కీలకమని పేర్కొన్నారు. రైతులు పచ్చిమేత, ఎండు మేత, దాణాను సమతుల్యంగా అందించాలని సూచించారు. పశువుల అవసరాలకు అనుగుణంగా రేషన్ రూపొందించేందుకు బోవిక్స్ యాప్‌లోని స్మార్ట్ రేషన్ టూల్‌ను ఉపయోగించుకోవచ్చన్నారు.