హైదరాబాద్ పోలీసుల స్పెషల్ డ్రైవ్: రౌడీషీటర్లకు డ్రగ్ టెస్టులు, 190 మందికి గంజాయి పాజిటివ్.

హైదరాబాద్ కమిషనరేట్ పరిధిలో రౌడీషీటర్ల ఆగడాలను అరికట్టేందుకు పోలీసులు వినూత్నంగా డ్రగ్ టెస్టులు నిర్వహిస్తున్నారు. సీపీ సజ్జనార్ ఆదేశాల మేరకు జరిపిన ఈ పరీక్షల్లో, సుమారు 250 మందిని తనిఖీ చేయగా 190 మందికి గంజాయి పాజిటివ్‌గా తేలడం సంచలనం సృష్టిస్తోంది. నగరంలో నేరాల నియంత్రణలో భాగంగా గంజాయి సరఫరాదారుల నెట్‌వర్క్‌పై పోలీసులు ఉక్కుపాదం మోపుతున్నారు. రౌడీషీటర్ల కదలికలపై నిరంతర నిఘా ఉంచుతూ, మత్తు పదార్థాలకు బానిసలైన వారిపై కఠిన చర్యలు తీసుకునేందుకు ఉన్నతాధికారులు ప్రణాళికలు సిద్ధం చేశారు.