సింహాచలంలో ఘనంగా అప్పన్న స్వామి చందనోత్సవం; తరలివస్తున్న భక్తజనం.

సింహాచలంలో అప్పన్న స్వామి చందనోత్సవం ఘనంగా జరుగుతోంది. తెల్లవారుజాము నుంచే భక్తులు తరలివస్తుండగా, ధర్మకర్త అశోక్ గజపతిరాజు తొలి చందనం సమర్పించారు. మంత్రులు స్వామికి పట్టువస్త్రాలు సమర్పించి మొక్కులు చెల్లించుకున్నారు. లక్షలాది భక్తుల కోసం అధికారులు పకడ్బందీ ఏర్పాట్లు చేశారు. విద్యుత్ దీపాలు, పుష్పాలతో ఆలయ ప్రాంగణం సర్వాంగ సుందరంగా ముస్తాబై భక్తులకు కనువిందు చేస్తోంది.