సాఫ్ట్‌వేర్ ఉద్యోగులకు ట్రంప్ షాక్! హెచ్‌-1బీ వీసా నిబంధనలు కఠినం.. అమెరికాలో మాస్టర్స్ చేస్తేనే ప్లస్ పాయింట్.

అమెరికాలో హెచ్‌-1బీ వీసా నిబంధనలను కఠినతరం చేస్తూ ట్రంప్ ప్రభుత్వం సరికొత్త ప్రతిపాదనలు సిద్ధం చేసింది. వీటి ప్రకారం అమెరికా విశ్వవిద్యాలయాల్లో మాస్టర్స్ చదివిన వారికే వీసా కేటాయింపులో మొదటి ప్రాధాన్యం లభించనుంది, అలాగే కనీస వేతనాలను 30 శాతం పెంచాలని నిర్ణయించారు. హెచ్‌-1బీ వీసాను కేవలం తాత్కాలిక అవసరాలకే పరిమితం చేయాలని, గ్రీన్‌కార్డ్ దరఖాస్తుకు దీనిని ప్రాతిపదికగా వాడకూడదని ప్రభుత్వం భావిస్తోంది. విదేశీయులను నియమించుకునే ముందు అమెరికా అభ్యర్థులు లభించలేదని కంపెనీలు కచ్చితంగా నిరూపించుకోవాల్సి ఉంటుంది.