శ్రీశైలంలో కన్నుల పండువగా స్వర్ణరథోత్సవం: భక్తుల కోలాహలం.

ప్రముఖ పుణ్యక్షేత్రం శ్రీశైలంలో ఆరుద్ర నక్షత్రం సందర్భంగా మల్లికార్జున స్వామి, అమ్మవార్ల స్వర్ణరథోత్సవం అత్యంత వైభవంగా జరిగింది. వేకువజామున ప్రత్యేక పూజలు నిర్వహించి, గంగాధర మండపం నుండి నంది మండపం వరకు రథాన్ని ఊరేగించారు. లోక కళ్యాణం కోసం ప్రతి నెలా నిర్వహించే ఈ వేడుకను తిలకించేందుకు భక్తులు పెద్ద సంఖ్యలో తరలివచ్చారు. మేళతాళాలు, కోలాటాలతో ఆలయ ప్రాంగణం భక్తిభావంతో పూర్తిగా పులకించిపోయింది. భక్తులకు స్వామివారు కనువిందు చేశారు.