వరల్డ్ కప్‌లో ఫిక్సింగ్ కలకలం; కెనడా-కివీస్ మ్యాచ్‌పై ఐసీసీ విచారణ.

టీ20 ప్రపంచకప్‌లో కెనడా - న్యూజిలాండ్ మధ్య జరిగిన మ్యాచ్‌పై ఐసీసీ అవినీతి నిరోధక విభాగం విచారణ ప్రారంభించింది. ఈ మ్యాచ్‌లో కెనడా క్రికెట్ బోర్డు ఫిక్సింగ్‌కు పాల్పడిందన్న ఆరోపణల నేపథ్యంలో రెండు దర్యాప్తు బృందాలు రంగంలోకి దిగాయి. ఇటీవల విడుదలైన ఓ డాక్యుమెంటరీ ఈ వివాదాన్ని తెరపైకి తెచ్చింది. గ్రూప్ స్టేజ్‌లో జరిగిన ఈ మ్యాచ్ ఫలితంపై వస్తున్న ఆరోపణలను నిగ్గు తేల్చేందుకు ఐసీసీ అన్ని కోణాల్లో ఆధారాలను సేకరిస్తున్నట్లు క్రికెట్ వర్గాలు వెల్లడించాయి.