రేవంత్‌రెడ్డివి వితండవాదాలు! సీట్ల పెంపుపై భాజపా ఫైర్.. దక్షిణాదిని తప్పుదారి పట్టిస్తున్నారంటూ రామచందర్‌రావు విమర్శలు.

డీలిమిటేషన్‌పై ముఖ్యమంత్రి రేవంత్‌రెడ్డి చేస్తున్న వ్యాఖ్యలు ప్రాంతీయ వైషమ్యాలను సృష్టించేలా ఉన్నాయని తెలంగాణ భాజపా అధ్యక్షుడు రామచందర్‌రావు విమర్శించారు. కేరళ కంటే ఎక్కువ జనాభా ఉన్న తెలంగాణలో ఎంపీ సీట్లు తక్కువగా ఉండటంపై గత కాంగ్రెస్ ప్రభుత్వాల వైఫల్యాలను ఆయన ఎత్తిచూపారు. జీఎస్‌డీపీ ప్రాతిపదికన సీట్ల పెంపును కోరడం సరైంది కాదని, దేశవ్యాప్తంగా నిబంధనల ప్రకారమే సీట్లు పెరుగుతాయని ఆయన స్పష్టం చేశారు. కుల గణన శాస్త్రీయంగా జరగలేదని ఆరోపిస్తూ, రాజకీయ లబ్ధి కోసమే కాంగ్రెస్ తప్పుడు ప్రచారం చేస్తోందని దుయ్యబట్టారు.