రూ. 2.5 కోట్ల హ్యాష్ ఆయిల్ దందా: రైలులో తరలిస్తుండగా పోలీసులకు దొరికిన గ్యాంగ్!

హనుమకొండలో అంతర్రాష్ట్ర హ్యాష్ ఆయిల్ ముఠా గుట్టు రట్టయింది. ఒడిశా నుండి ముంబయికి రైలులో తరలిస్తున్న రూ. 2.5 కోట్ల విలువైన హ్యాష్ ఆయిల్‌ను వరంగల్ రైల్వే స్టేషన్‌లో పోలీసులు స్వాధీనం చేసుకున్నారు. సీపీ సన్‌ప్రీత్ సింగ్ తెలిపిన వివరాల ప్రకారం, ఈ ముఠా గంజాయి నుంచి యంత్రాల ద్వారా హ్యాష్ ఆయిల్ తయారు చేస్తోంది. పక్కా సమాచారంతో నలుగురు నిందితులను పోలీసులు అరెస్టు చేశారు. పాండు అనే వ్యక్తి సూత్రధారిగా, ముంబయి మార్కెట్‌ను లక్ష్యంగా చేసుకుని ఈ అక్రమ రవాణా సాగిస్తున్నారు. నిందితులను అదుపులోకి తీసుకుని విచారణ చేస్తున్నారు.