బద్రీనాథ్ ఆలయ ద్వారాల ప్రారంభం: ప్రధాని మోదీ పేరిట తొలి పూజ.

ఆరు నెలల శీతాకాల విరామం అనంతరం ఉత్తరాఖండ్‌లోని ప్రసిద్ధ బద్రీనాథ్ ఆలయ ద్వారాలు గురువారం భక్తుల దర్శనార్థం తెరుచుకున్నాయి. ఉదయం 6.15 గంటలకు వేద మంత్రోచ్చారణల నడుమ ఆలయ ద్వారాలను ప్రారంభించగా, ప్రధానమంత్రి నరేంద్ర మోదీ పేరిట తొలి పూజ నిర్వహించారు. ఈ అద్భుత ఘట్టాన్ని వీక్షించేందుకు దేశ విదేశాల నుండి సుమారు 15,000 మంది భక్తులు తరలివచ్చారు. సైనిక బ్యాండ్ హోరు, 'జై బద్రీ విశాల్' నినాదాలతో ఆలయ ప్రాంగణం మార్మోగింది.