పౌరాణిక ప్రపంచంలోకి విజయ్ దేవరకొండ: శౌర్యువ్‌తో భారీ చిత్రానికి శ్రీకారం!

శౌర్యువ్ దర్శకత్వంలో విజయ్ దేవరకొండ హీరోగా వైరా ఎంటర్‌టైన్‌మెంట్స్ నిర్మించే బహుభాషా చిత్రం సోమవారం హైదరాబాద్‌లో ప్రారంభమైంది. నాని క్లాప్ కొట్టగా ముహూర్తం జరిగింది. మైథలాజికల్ యూనివర్స్ నేపథ్యంలో ఈ సినిమా ప్రేక్షకులకు సరికొత్త ప్రపంచాన్ని పరిచయం చేయనుంది. గ్లోబల్ హంగులతో తెరకెక్కుతున్న ఈ చిత్రానికి హేషమ్ అబ్దుల్ వహాబ్ సంగీతం అందిస్తున్నారు. ఎరిక్ డస్టర్ వీఎఫ్ఎక్స్ సూపర్ వైజర్‌గా, అలెజాండ్రో మార్టినెజ్ ఛాయాగ్రాహకుడిగా వ్యవహరిస్తున్నారు. భారీ అంచనాల నడుమ రూపొందుతున్న ఈ సినిమా సినీ ప్రియుల్లో ఆసక్తిని పెంచుతోంది.