పాకిస్థాన్ చేరుకున్న జేడీ వాన్స్ బృందం; పశ్చిమాసియా ఉద్రిక్తతల ఉపశమనమే లక్ష్యం.

పశ్చిమాసియాలో శాంతి స్థాపనే ధ్యేయంగా అమెరికా-ఇరాన్ ప్రతినిధుల మధ్య పాకిస్థాన్‌లోని ఇస్లామాబాద్‌లో చారిత్రాత్మక చర్చలు ప్రారంభం కానున్నాయి. అమెరికా ఉపాధ్యక్షుడు జేడీ వాన్స్ నేతృత్వంలోని బృందం ఇప్పటికే అక్కడకు చేరుకోగా, ఇరుపక్షాలు యుద్ధ ఉద్రిక్తతలను తగ్గించే అంశాలపై చర్చించనున్నాయి. ఈ చర్చల కోసం జేడీ వాన్స్‌తో పాటు స్టీవ్ విట్కాఫ్, జేర్డ్ కుష్నర్ కూడా ఇస్లామాబాద్ చేరుకున్నారు. ఇప్పటికే ఇరాన్ ప్రతినిధులు సిద్ధంగా ఉన్న నేపథ్యంలో, ఈ శాంతి చర్చలు ప్రాంతీయ స్థిరత్వానికి మరియు శాశ్వత కాల్పుల విరమణకు బాటలు వేస్తాయని అంతర్జాతీయ సమాజం ఆశిస్తోంది.