నియోజకవర్గాల పునర్విభజనపై కేటీఆర్ కీలక వ్యాఖ్యలు; దక్షిణాది రాష్ట్రాలకు అన్యాయం జరిగితే ఉద్యమం తప్పదని హెచ్చరిక.

లోక్‌సభ నియోజకవర్గాల పునర్విభజనలో దక్షిణాది రాష్ట్రాలకు అన్యాయం జరిగితే సహించేది లేదని బీఆర్ఎస్ కార్యనిర్వాహక అధ్యక్షుడు కేటీఆర్ స్పష్టం చేశారు. జనాభా నియంత్రణ పాటించి అభివృద్ధి చెందుతున్న రాష్ట్రాల ప్రాతినిధ్యాన్ని తగ్గించడం ప్రజాస్వామ్య విరుద్ధమని ఆయన ఆందోళన వ్యక్తం చేశారు. పునర్విభజన ప్రక్రియలో అన్యాయం జరిగితే బలమైన ప్రజా ఉద్యమం వస్తుందని కేటీఆర్ హెచ్చరించారు. మూడేళ్ల క్రితం తాము వ్యక్తం చేసిన అభిప్రాయానికి ఇప్పటికీ కట్టుబడి ఉన్నామని, కేంద్ర పాలకులు దక్షిణాది రాష్ట్రాల గొంతుకను అణచివేయవద్దని ఆయన డిమాండ్ చేశారు.