నా శరీరంలో ఇంకా ఆ ఉగ్రదాడి గుర్తులున్నాయి! చేదు జ్ఞాపకాలను గుర్తుచేసుకుని సంగక్కర భావోద్వేగం.

2009లో పాకిస్థాన్‌లో శ్రీలంక క్రికెట్ జట్టు బస్సుపై జరిగిన ఉగ్రదాడి భయానక స్మృతులను కుమార సంగక్కర తాజాగా గుర్తుచేసుకున్నారు. ఆ ఘటనలో తగిలిన గాయాల తాలూకా బాంబు అవశేషాలు (ష్రాప్నెల్) ఇప్పటికీ తన శరీరంలో ఉన్నాయని ఆయన వెల్లడించారు. ఈ దాడిలో ఎనిమిది మంది మరణించగా, సంగక్కరతో సహా పలువురు ఆటగాళ్లు తీవ్రంగా గాయపడ్డారు. ఈ చేదు జ్ఞాపకాలు తమను ఎప్పటికీ వదలవని, ఆ ప్రమాదం క్రికెట్ చరిత్రలోనే అత్యంత చీకటి రోజు అని ఆయన భావోద్వేగానికి లోనయ్యారు.