తీరిన గ్యాస్ కష్టాలు! భారత్‌కు చేరుతున్న 'జగ్ విక్రమ్'.. హర్మూజ్ జలసంధి దాటిన తొలి నౌకగా రికార్డు.

అమెరికా-ఇరాన్ మధ్య కాల్పుల విరమణ తర్వాత 'జగ్ విక్రమ్' అనే ఎల్పీజీ ట్యాంకర్ హర్మూజ్ జలసంధిని సురక్షితంగా దాటి భారత్‌కు బయల్దేరింది. 20,000 టన్నుల గ్యాస్ లోడ్‌తో ఉన్న ఈ నౌక, యుద్ధ ఉద్రిక్తతల వల్ల గత వారం రోజులుగా గల్ఫ్ జలాల్లోనే నిలిచిపోయింది. ఈ నౌకతో పాటు మరో 15 భారతీయ నౌకలు త్వరలోనే పర్షియన్ గల్ఫ్ నుండి స్వదేశానికి చేరుకోనున్నాయి. వీటిలో ముడి చమురు, రసాయనాలు మరియు కంటైనర్ నౌకలు ఉన్నాయని, కాల్పుల విరమణ ఒప్పందం వల్ల అంతర్జాతీయ నౌకాయానానికి మార్గం సుగమమైందని నివేదికలు పేర్కొన్నాయి.