తమన్నా పిటిషన్ డిస్మిస్! సోప్ కంపెనీతో కోర్టు పోరాటంలో నటికి ఎదురుదెబ్బ.. కోటి రూపాయల పరిహారం దక్కేనా?

నటి తమన్నా దాఖలు చేసిన పిటిషన్‌ను మద్రాస్ హైకోర్టు కొట్టివేసింది. 'పవర్ సోప్స్' కంపెనీ తన ఫోటోలను అనధికారికంగా వాడుతోందన్న ఆరోపణలకు తగిన సాక్ష్యాధారాలు చూపలేకపోవడంతో న్యాయస్థానం ఈ నిర్ణయం తీసుకుంది. బ్రాండ్ ప్రమోషన్ ఒప్పందం గడువు ముగిసినా తన చిత్రాలను వినియోగించారని తమన్నా రూ.కోటి నష్టపరిహారం డిమాండ్ చేశారు. అయితే, సింగిల్ జడ్జి తీర్పును సమర్థిస్తూ ద్విసభ్య ధర్మాసనం ఈ వ్యాజ్యాన్ని తోసిపుచ్చింది.