ట్రంప్‌కు ఇరాన్ 'మ్యాథ్స్' క్లాస్! వింత ఫార్ములాతో పెట్రోల్ బాంబు వార్నింగ్.. నెట్టింట వైరల్ అవుతున్న సమీకరణం.

అమెరికా అధ్యక్షుడు ట్రంప్ హెచ్చరికలకు ఇరాన్ పార్లమెంట్ స్పీకర్ ఘాలిబఫ్ వినూత్నంగా 'మ్యాథ్స్' ఫార్ములాతో కౌంటర్ ఇచ్చారు. హర్మూజ్ జలసంధి దిగ్బంధం తర్వాత అమెరికాలో ఇంధన ధరలు ఊహించని రీతిలో పెరుగుతాయని, అప్పుడు అమెరికన్లు ప్రస్తుత ధరలను తలచుకుని బాధపడతారని ఆయన వ్యంగ్యాస్త్రాలు సంధించారు. ఘాలిబఫ్ పోస్ట్ చేసిన గణిత సమీకరణం నెట్టింట చర్చనీయాంశంగా మారింది. సరఫరా తగ్గితే ధరలు అమాంతం పెరుగుతాయని ఆ ఫార్ములా అర్థమని నెటిజన్లు విశ్లేషిస్తున్నారు. చర్చలు విఫలమైన నేపథ్యంలో ఇరు దేశాల మధ్య మాటల యుద్ధం ముదిరి పశ్చిమాసియాలో ఉద్రిక్తతలు మరింత పెరిగాయి.