జవాన్ 2: షారుక్ ఖాన్ తదుపరి ప్లాన్స్?

'కింగ్' సినిమా షూటింగ్‌లో బిజీగా ఉన్న షారుక్ ఖాన్, తన బ్లాక్ బస్టర్ మూవీ 'జవాన్'కు సీక్వెల్ చేసేందుకు సిద్ధమవుతున్నట్లు సమాచారం. అట్లీ దర్శకత్వంలో వచ్చిన ఈ సినిమా సీక్వెల్‌కు సంబంధించి స్క్రిప్ట్ పనులు పూర్తయ్యాయని, ఈ ఏడాదే షూటింగ్ ప్రారంభించేందుకు సన్నాహాలు చేస్తున్నారని వార్తలు వినిపిస్తున్నాయి. ఈ చిత్రంలో శక్తిమంతమైన ప్రతినాయకుడి పాత్ర కోసం దక్షిణాదికి చెందిన ఒక అగ్రనటుడిని ఎంపిక చేయాలని చిత్రబృందం భావిస్తోందట. అయితే, ఈ విషయాలపై ఇప్పటివరకు ఎలాంటి అధికారిక ప్రకటన వెలువడలేదు, ప్రస్తుతం బాలీవుడ్ వర్గాల్లో దీనిపై జోరుగా చర్చ జరుగుతోంది.