చైనీయులకు పర్యాటక వీసాల జారీ: భారత్ నిర్ణయం.

గల్వాన్ ఘర్షణల నేపథ్యంలో గత ఐదేళ్లుగా నిలిపివేసిన చైనీయుల పర్యాటక వీసాలను భారత్ పునరుద్ధరించింది. ఈ మేరకు కేంద్ర హోంశాఖ కొత్త మార్గదర్శకాలను జారీ చేస్తూ, చైనా మరియు హాంకాంగ్ పౌరులకు పర్యాటక వీసాల జారీని తిరిగి ప్రారంభించాలని నిర్ణయించింది. ఇరు దేశాల మధ్య దౌత్య సంబంధాలను సాధారణ స్థితికి తీసుకురావడంలో భాగంగా ఈ చర్య చేపట్టారు. ఇప్పటికే విమాన సర్వీసులు, కైలాస మానససరోవర్‌ యాత్రలను పునరుద్ధరించిన నేపథ్యంలో, తాజా వీసా సడలింపులతో ద్వైపాక్షిక సంబంధాలు మరింత మెరుగుపడతాయని అధికారులు భావిస్తున్నారు.