గోపీచంద్-సంకల్ప రెడ్డి భారీ బడ్జెట్ చిత్రం 'భరత వర్ష'; ఆకట్టుకుంటున్న టైటిల్ గ్లింప్స్.

దర్శకుడు సంకల్ప రెడ్డి తెరకెక్కిస్తున్న పీరియాడిక్ డ్రామాలో గోపీచంద్ హీరోగా నటిస్తున్నారు. ఈ చిత్రానికి 'భరత వర్ష' అనే పేరును ఖరారు చేస్తూ టైటిల్ గ్లింప్స్‌ను విడుదల చేశారు. 642 ఏడీ కాలం నాటి చారిత్రక యుద్ధ నేపథ్యంతో ఈ సినిమా రూపొందుతోంది. అగ్నిపర్వతం సమీపంలోని ఒక గూడెంను శత్రువుల నుండి రక్షించే యోధుడిగా గోపీచంద్ సరికొత్త లుక్‌లో కనిపిస్తున్నారు. భారీ యుద్ధ సన్నివేశాలతో సాగే ఈ హిస్టారికల్ డ్రామా ప్రస్తుతం ముగింపు దశలో ఉందని, ప్రేక్షకులకు గొప్ప అనుభూతినిస్తుందని చిత్రయూనిట్ ధీమా వ్యక్తం చేసింది.