కేసీఆర్‌కు మంత్రి సీతక్క లీగల్ నోటీసు; అంగన్‌వాడీ ఫోన్ల కొనుగోలు ఆరోపణలపై ఆగ్రహం.

అంగన్‌వాడీ మొబైల్ ఫోన్ల కొనుగోలుపై సోషల్ మీడియాలో నిరాధార ఆరోపణలు చేసినందుకు గాను బీఆర్‌ఎస్‌ అధినేత కేసీఆర్‌కు మంత్రి సీతక్క లీగల్ నోటీసు జారీ చేశారు. తన ప్రతిష్ఠను దెబ్బతీసేలా జరిగిన ఈ దుష్ప్రచారానికి కేసీఆరే బాధ్యత వహించాలని ఆమె స్పష్టం చేశారు. వార్తలకు సంబంధించిన పోస్టులను 48 గంటల్లోగా తొలగించి, బహిరంగ క్షమాపణ చెప్పాలని సీతక్క డిమాండ్ చేశారు. లేనిపక్షంలో సివిల్ మరియు క్రిమినల్ చట్టాల కింద కఠిన న్యాయపరమైన చర్యలు తీసుకుంటామని నోటీసులో హెచ్చరించారు.