కేబుళ్లను ధ్వంసం చేస్తాం: అమెరికాకు ఇరాన్ వార్నింగ్

అమెరికా దిగ్బంధనంతో ఆర్థిక సంక్షోభంలో ఉన్న ఇరాన్, పర్షియన్ గల్ఫ్‌లోని సముద్రగర్భ ఇంటర్నెట్ కేబుళ్లను ధ్వంసం చేస్తామని హెచ్చరించింది. ఇరాన్‌పై దాడులకు సహకరించే పొరుగు దేశాల చమురు ఉత్పత్తిని కూడా శాశ్వతంగా నిలిపివేస్తామని ఐఆర్‌జీసీ స్పష్టం చేసింది. మరోవైపు హోర్ముజ్ జలసంధిలో ఇరాన్ ఉద్రిక్తతలు పెంచుతోంది. పలు వాణిజ్య నౌకలను అదుపులోకి తీసుకోవడంతో పాటు, మరికొన్నింటిపై కాల్పులు జరిపింది. జలసంధి గుండా వెళ్లే నౌకలు తమ అనుమతి తప్పనిసరిగా తీసుకోవాలని ఇరాన్ నేవీ నిబంధన విధించింది.