ఏపీలో డీ-రెగ్యులేషన్ ఫేజ్-2పై సీఎం చంద్రబాబు సమీక్ష; నిబంధనల సరళీకరణకు అధికారులకు కీలక ఆదేశాలు.

ముఖ్యమంత్రి చంద్రబాబు నాయుడు కేంద్ర ప్రతినిధి బృందంతో కలిసి 'డీ-రెగ్యులేషన్ ఫేజ్-2' విధానాలపై సమీక్ష నిర్వహించారు. పారిశ్రామిక అనుమతులను సులభతరం చేస్తూ, ప్రస్తుతం ఉన్న 800కు పైగా నిబంధనలను 100 లోపునకు తగ్గించాలని, డబుల్ లైసెన్సింగ్ పద్ధతులను తొలగించాలని ఆయన అధికారులకు సూచించారు. వ్యాపార నిర్వహణలో వేగం పెంచడమే లక్ష్యంగా 'స్పీడ్ ఆఫ్ డూయింగ్ బిజినెస్' విధానాన్ని అమలు చేస్తున్నామని సీఎం తెలిపారు. మే నెలాఖరులోగా ఈ విధానాలను అమల్లోకి తీసుకురావాలని, తదుపరి దశలో ఆర్టిఫిషియల్ ఇంటెలిజెన్స్ (AI) వంటి అధునాతన సాంకేతికతను జోడించాలని ఆయన స్పష్టం చేశారు.