ఎమ్మెల్యే పల్లా రాజేశ్వర్‌రెడ్డికి సైబర్ షాక్.

జనగామ ఎమ్మెల్యే పల్లా రాజేశ్వర్‌రెడ్డి సైబర్‌ నేరగాడి చేతిలో మోసపోయి లక్ష రూపాయలు కోల్పోయారు. కేంద్ర ప్రభుత్వ పథకం పేరుతో ఫైనాన్స్ అడిషనల్ సెక్రటరీగా నమ్మబలికిన కేటుగాడు, నిరుద్యోగులకు రుణాల కోసం డబ్బులు చెల్లించాలని కోరడంతో ఎమ్మెల్యే ఆ మొత్తాన్ని పంపించారు. ఆ తర్వాత అసలు వ్యక్తికి ఫోన్ చేయడంతో తాను మోసపోయానని గుర్తించిన ఎమ్మెల్యే, జూబ్లీహిల్స్ సైబర్ క్రైమ్ పోలీసులకు ఫిర్యాదు చేశారు. నియోజకవర్గ యువతకు మేలు జరుగుతుందనే ఉద్దేశంతో స్పందించిన పల్లా, ఈ పరిణామంతో అప్రమత్తమై చట్టపరమైన చర్యలు కోరారు.