ఉప్పల్‌లో రైజర్స్ ఘనవిజయం

పంజాబ్ కింగ్స్‌పై సన్‌రైజర్స్ హైదరాబాద్ అద్భుత విజయం సాధించింది. తొలుత బ్యాటింగ్‌లో రాణించిన ఎస్‌ఆర్‌హెచ్, ప్యాట్ కమిన్స్ సారథ్యంలో 236 పరుగుల భారీ లక్ష్యాన్ని కాపాడుకుని పాయింట్ల పట్టికలో అగ్రస్థానానికి దూసుకెళ్లింది. జట్టులోని ఆల్‌రౌండర్లు, ఓపెనర్ల ఫామ్ విజయానికి కీలకమని కమిన్స్ పేర్కొన్నారు. లీగ్ దశ ముగిసేసరికి నంబర్‌వన్‌గా నిలవడమే లక్ష్యమని, ఇదే జోరును మున్ముందు కూడా కొనసాగిస్తామని కెప్టెన్ ధీమా వ్యక్తం చేశారు.