ఆ దేశాల విన్నపం మేరకే రష్యా చమురుపై ఆంక్షల సడలింపు: అమెరికా

ఇంధన కొరతను ఎదుర్కొంటున్న 10కి పైగా దేశాల అభ్యర్థన మేరకు రష్యా చమురుపై ఆంక్షలను అమెరికా మరో 30 రోజులు సడలించింది. అంతర్జాతీయ మార్కెట్లో చమురు సరఫరాను క్రమబద్ధీకరించడమే ఈ నిర్ణయం ముఖ్య ఉద్దేశమని ఆర్థిక మంత్రి స్కాట్ బెసెంట్ వివరించారు. అయితే, అమెరికా తీసుకున్న ఈ నిర్ణయాన్ని ఉక్రెయిన్ అధ్యక్షుడు జెలెన్‌స్కీ తీవ్రంగా విమర్శించారు. చమురు విక్రయాల ద్వారా వచ్చే ఆదాయంతో రష్యా యుద్ధాన్ని కొనసాగిస్తుందని ఆయన ఆందోళన వ్యక్తం చేశారు.