ఆర్టెమిస్-2 మిషన్ విజయవంతం; భూమికి చేరుకోనున్న నాసా వ్యోమగాముల బృందం.

నాసా చేపట్టిన ప్రతిష్టాత్మక ఆర్టెమిస్-2 మిషన్ శనివారం ఉదయంతో విజయవంతంగా ముగియనుంది. నలుగురు వ్యోమగాములతో కూడిన ఒరాయన్ వ్యోమనౌక జాబిల్లిని చుట్టేసి, సుదీర్ఘ ప్రయాణం తర్వాత పసిఫిక్ మహాసముద్రంలో సురక్షితంగా దిగడానికి సిద్ధంగా ఉంది. ఈ యాత్రలో భాగంగా మానవులెవ్వరూ వెళ్లనంత సుదూర ప్రాంతానికి చేరుకుని వ్యోమగాములు రికార్డు సృష్టించారు. అంతరిక్షం నుండి చంద్రుని ఛాయాచిత్రాలను, సంపూర్ణ సూర్యగ్రహణాన్ని వీక్షించిన ఈ బృందం, భవిష్యత్తులో చందమామపై మానవ నివాసానికి అవసరమైన కీలక సమాచారాన్ని సేకరించింది.