ఆంథ్రోపిక్‌లో గూగుల్ భారీ పెట్టుబడి: ఏఐ రంగంలో మారుతున్న సమీకరణాలు!

ఏఐ స్టార్టప్ ఆంథ్రోపిక్‌లో గూగుల్ భారీ పెట్టుబడి పెట్టనుంది. ఈ కీలక ఒప్పందంలో భాగంగా సంస్థ ఏకంగా 40 బిలియన్ డాలర్లు మదుపు చేయనుంది. ఇందులో 10 బిలియన్ డాలర్లు ప్రాథమికంగా, మిగిలిన 30 బిలియన్ డాలర్లు పనితీరు ఆధారంగా విడుదల చేస్తారు. అమెజాన్ తర్వాత గూగుల్ కూడా భారీ నిధులు సమకూర్చడంతో ఏఐ రంగంలో పోటీ మరింత పెరగనుంది. గూగుల్ చిప్స్, క్లౌడ్ సేవలను వినియోగించుకుంటూ ఆంథ్రోపిక్ తన సాంకేతిక సామర్థ్యాలను వేగంగా గణనీయంగా పెంచుకోనుంది.