అమెరికా హెచ్చరికలను తిరస్కరించిన చైనా; ఇరాన్‌తో వాణిజ్య ఒప్పందాల రక్షణకు సిద్ధమని ప్రకటన.

ఇరాన్‌తో తమకున్న ద్వైపాక్షిక సంబంధాల విషయంలో జోక్యం చేసుకోవద్దని అమెరికాను చైనా హెచ్చరించింది. హర్మూజ్ జలసంధి దిగ్బంధనంపై అగ్రరాజ్యం తీసుకున్న నిర్ణయాన్ని తప్పుబడుతూ, ఇరాన్‌తో కుదుర్చుకున్న ఇంధన మరియు వాణిజ్య ఒప్పందాలకు తాము కట్టుబడి ఉన్నామని చైనా రక్షణ మంత్రి డాంగ్ జున్ స్పష్టం చేశారు. హర్మూజ్ జలసంధి ఇరాన్ నియంత్రణలోనే ఉందని, అక్కడ తమ నౌకల రాకపోకలు యధావిధిగా కొనసాగుతాయని బీజింగ్ వెల్లడించింది. పశ్చిమాసియాలో శాంతిని కాపాడాలని కోరుతూనే, అంతర్జాతీయ నౌకాయానానికి ఎలాంటి ఆటంకాలు కలగకూడదని చైనా విదేశాంగ శాఖ పిలుపునిచ్చింది.