అమెరికా బెదిరింపులకు ఇరాన్ ‘నో’: ట్రంప్‌తో చర్చల ప్రసక్తే లేదన్న స్పీకర్!

ప్రస్తుతం అమెరికా-ఇరాన్ మధ్య జరగాల్సిన చర్చలపై అంతర్జాతీయంగా తీవ్ర సందిగ్ధత నెలకొంది. అధ్యక్షుడు ట్రంప్ బెదిరింపులకు పాల్పడుతున్నందున వారితో చర్చల ప్రసక్తే లేదని ఇరాన్ పార్లమెంట్ స్పీకర్ మహమ్మద్ ఘాలిబఫ్ తేల్చి చెప్పారు. యుద్ధాన్ని ప్రోత్సహించేందుకు ఈ చర్చలను సాకుగా వాడుకుంటున్నారని ఆయన తీవ్రంగా మండిపడ్డారు. కాల్పుల విరమణ ఒప్పందాల ఉల్లంఘనలు, నౌకల దిగ్బంధనంతో దౌత్య సంబంధాలు దెబ్బతిన్నాయన్నారు. బెదిరింపులకు లొంగే ప్రసక్తే లేదని, యుద్ధం కోసం కొత్త వ్యూహాలతో తాము సిద్ధంగా ఉన్నామని అమెరికాకు ఘాటైన హెచ్చరికలు జారీ చేసి మరీ చెప్పారు.