అమెరికాలో స్వామి వివేకానంద తొలి నిలువెత్తు విగ్రహావిష్కరణ; సియాటిల్‌లో ఘనంగా నిర్వహించిన ఐసీసీఆర్.

అమెరికాలోని సియాటిల్‌లో భారత ఆధ్యాత్మిక గురువు స్వామి వివేకానందకు అరుదైన గౌరవం లభించింది. వాషింగ్టన్‌లోని వెస్ట్‌లేక్ స్క్వేర్ వద్ద ఆయన తొలి నిలువెత్తు కాంస్య విగ్రహాన్ని ఆవిష్కరించారు. భారత కళాకారుడు నరేశ్ కుమార్ కుమావత్ రూపొందించిన ఈ విగ్రహాన్ని ICCR బహుమతిగా అందించింది. సియాటిల్ మేయర్ కేటీ విల్సన్, భారత కాన్సుల్ జనరల్ ప్రకాశ్ గుప్తా ఈ విగ్రహాన్ని ప్రారంభించారు. అమెరికాలో వివేకానందుడి నిలువెత్తు విగ్రహం ఏర్పాటు చేయడం ఇదే మొదటిసారి కావడం విశేషం. ఇది భారత్-అమెరికా సాంస్కృతిక సంబంధాలకు ప్రతీకగా నిలిచింది.