సింగిల్ ఛార్జ్‌తో 517 కి.మీ! మార్కెట్లోకి విన్‌ఫాస్ట్ సరికొత్త ఎలక్ట్రిక్ MPV ఫీచర్లు అదిరిపోయాయి..

వియత్నాంకు చెందిన ప్రముఖ విద్యుత్ వాహన సంస్థ విన్‌ఫాస్ట్, సరికొత్త ప్రీమియం ఎలక్ట్రిక్ ఎంపీవీ 'VF MPV 7'ను భారత మార్కెట్లోకి విడుదల చేసింది. ఏడు సీట్ల సామర్థ్యం కలిగిన ఈ కారు ధరను రూ.24.49 లక్షలుగా (ఎక్స్‌-షోరూమ్) కంపెనీ నిర్ణయించింది. ఈ కారు ఒక్కసారి ఛార్జింగ్ చేస్తే 517 కిలోమీటర్ల మేర ప్రయాణించగలదని సంస్థ వెల్లడించింది. భారతీయ ఈవీ మార్కెట్లో పట్టు సాధించేందుకు విన్‌ఫాస్ట్ ఈ ఏడాది ద్వితీయార్థంలో విద్యుత్ ద్విచక్ర వాహనాలను కూడా ప్రవేశపెట్టేందుకు సన్నాహాలు చేస్తోంది.