కుప్పకూలిన స్టాక్ మార్కెట్: చమురు సెగతో రూపాయి విలవిల!

చమురు ధరలు బ్యారెల్‌కు $120 దాటడంతో దేశీయ మార్కెట్లు భారీగా పతనమయ్యాయి. సెన్సెక్స్ 1000 పాయింట్లు నష్టపోగా, నిఫ్టీ 23,899 వద్ద ట్రేడవుతోంది. అంతర్జాతీయ ద్రవ్యోల్బణ భయాలు ఇన్వెస్టర్లను ఆందోళనకు గురిచేస్తున్నాయి. మరోవైపు డాలర్‌తో రూపాయి విలువ ఎన్నడూ లేని విధంగా 95.07 వద్ద జీవనకాల కనిష్ఠానికి పడిపోయింది. విదేశీ పెట్టుబడిదారులు అమ్మకాలకు మొగ్గు చూపడం, ఇంధన ధరల పెరుగుదల మార్కెట్లను కుదిపేస్తున్నాయి. అన్ని రంగాల షేర్లు నష్టాల్లోనే కొనసాగుతున్నాయి.