ఒలింపిక్స్‌ వేదికగా యోగా: ప్రధాని మోదీ ఆకాంక్ష

అహ్మదాబాద్‌లో జరిగిన ప్రపంచ యోగాసన ఛాంపియన్‌షిప్‌ను ప్రధాని మోదీ వర్చువల్‌గా ప్రారంభించారు. యోగాసనం త్వరలోనే ఒలింపిక్స్‌తో సహా అంతర్జాతీయ క్రీడా వేదికల్లో చోటు దక్కించుకుంటుందని, ఇది ఒక పోటీ క్రీడగా కొత్త దశకు నాంది పలుకుతుందని ఆయన ఆశాభావం వ్యక్తం చేశారు. ఈ ఛాంపియన్‌షిప్‌లో 60కి పైగా దేశాల నుంచి 400 మందికి పైగా అథ్లెట్లు పాల్గొంటున్నారు. జూన్ 8 వరకు ఈ పోటీలు కొనసాగుతాయి.